Жамбыл облысы әкімдігінің білім басқармасының "Арнаулы әлеуметтік қызметтерге мұқтаж балаларды қолдау орталығы" коммуналдық мемлекеттік мекемесі

1. «Жамбыл облысы әкімдігінің білім басқармасының «Арнаулы әлеуметтік қызметтерге мұқтаж балаларды қолдау орталығы» коммуналдық мемлекеттік мекемесі (бұдан әрі – мемлекеттік мекеме) жетім балаларға, ата-анасының қамқорлығынсыз қалған балаларға, қараусыз және панасыз қалған балаларға, сондай-ақ Қазақстан Республикасының Әлеуметтік кодексіне сәйкес арнаулы әлеуметтік көмекке мұқтаж балаларға тұрғылықты орын бере отырып, тәрбиелеу, білім алу үшін қолайлы жағдайлар жасау функцияларын жүзеге асыру үшін мекеме ұйымдық құқықтық нысанында құрылған заңды тұлға мәртебесіне ие коммерциялық емес ұйым болып табылады.
2. Мемлекеттік мекеме Жамбыл облысы әкімдігінің 2018 жылғы «14» қыркүйектегі №167 қаулысымен құрылды.
3. Мемлекеттік мекеменің құрылтайшысы Жамбыл облысының әкімдігі (бұдан әрі – құрылтайшы) болып табылады.
4. «Жамбыл облысы әкімдігінің білім басқармасы» коммуналдық мемлекеттік мекемесі мемлекеттік мекеменің уәкілетті органы (бұдан әрі – тиісті саланың уәкілетті органы) болып табылады.

«Жамбыл облысы әкімдігінің қаржы басқармасы» коммуналдық мемлекеттік мекемесі мемлекеттік мекеменің мүлкіне қатысты құқық субьектісінің функцияларын жүзеге асыратын орган (бұдан әрі – мемлекеттік мүлік жөніндегі уәкілетті органы) болып табылады.

5. Мемлекеттік мекеменің атауы: «Жамбыл облысы әкімдігінің білім басқармасының «Арнаулы әлеуметтік қызметтерге мұқтаж балаларды қолдау орталығы» коммуналдық мемлекеттік мекемесі.
6. Мемлекеттік мекеменің тұрған жері: 080019, Қазақстан Республикасы, Жамбыл облысы, Тараз қаласы, Әулиеата ауданы, Мыңбұлақ шағын ауданы,22.