Жамбыл облысы әкімдігінің білім басқармасының "Арнаулы әлеуметтік қызметтерге мұқтаж балаларды қолдау орталығы" коммуналдық мемлекеттік мекемесі

Балаларды қолдау орталығы. Тараз қаласы. Орталықта балалардың халықтың ыстық ықыласына бөленіп жүрген қаламгердің өсиеті мол жырларын оқуға насихаттау, өнегелі өмір жолдарын өскелең ұрпаққа өнеге тұтып, кітап оқуға құлшынысын арттыру мақсатында кітапханашы Илия Сүлейменованың ұйымдастыруымен журналист, ақын Бақытжан Советұлы Алимқұловпен кездесу әдеби кеші ұйымдастырылды. Бақытжан Советұлы балалық шағының қызықты тұстарымен бөлісіп, әр адамның алдынан шығатын қиындық пен кедергілерге төзе білу керек екенін әңгімеледі. Ал, балалар ақынның өлеңдері мен тақпақтарын мәнеріне келтіре көркем орындап, ақын ағаларын қуантты. Кездесу соңында Бақытжан Советұлы балаларға өзінің қолтаңбасы жазылған кітаптарын сыйлады және балалардың болашағына сенім білдіре келе, батасын беріп, естелікке суретке түсті.